今日出左花紅，雖然唔係好多，但係都滿意啦。當然，有錢身痕就是現代的消費文化的體現，正因如此我的身體好痕……睇中左支Tonika 12-24好耐，無他，性價比高嘛，因為原廠果支只係DX鏡，但係價錢比小黑三同85mmF1.4仲貴，有錢都唔買佢啦…不過，是咁的，我好窮(玩野)，所以都係打消買鏡既念頭，但係，心理要平衡，最後就買左佢……

D&D的創造者，Gray Gygax在2008年3月4日早上離開我們，願他安息。

Gygax at Gen Con Indy 2007

琴晚有幸跟Nic大人去左 Sina Music樂壇民意指數頒獎禮度，座位大約係舞台後的第5行，真係好幸運，由於先前收到消息係星期三，點知突然先知道係星期二，好在琴日拎左部機係身，否則真係走寶了。

秋冬是美食的季節，很多時令食品如黃油蟹、大閘蟹、蛇羹、柿子、燴蕃薯、裹蒸糭…等等，都令人對它們又愛又恨，愛的是其英味，恨它的是脂肪…所以吃美食不要忘記運動，才可以吃更多的美食。柿子，有分軟身、硬身(富有柿)及水柿，三種柿都有其吸引之處，但如果制成柿餅就會更加吸引我了。

今日下晝 4 點幾，準備搭船入離島 ( 中環去離島的碼頭 )。見距離上船重有幾個字，又帶左相機喺身，咁啱又遠一遠見到有個位可以望到成個會展無野遮，諗住埋去影下。

行行下，見有差人騎鐵馬喺我行緊嘅行人路駛過 ( 唔係好快 )，而且開住燈的，佢行嘅方向同我目標差唔多，咁我又無理佢啦，行到去個位，睇到一堆人圍住個小碼頭度，有艘細水警輪停咗喺度，指住岸邊有舊浮浮下嘅嘢。

由於太多人，我又只係想拿拿聲影完就走去搭船，影左一張之後，醒起唔係好對路，點解會成十幾人圍住海上面舊白色野指指點點……咁我就行近小小用相機影下，又八卦下 d 人講乜……有幾個呀叔講：「X！九成係人啦！」「係啦，食剩個身，好 X 核突！」我先開始醒覺，可能真係出咗事……

因為上星期老闆大人出差台灣，說起台灣美食，她的行家又提供了一道涼菜－涼伴小黃瓜的製法，所以趁星期六做一下。

消失左成個月，皆因工作加上考試已經吸乾所有時間，近幾日考試剛完，鬆一鬆又再黎過。

話說今日係MTG 新set "Lorwyn" 既Pre-Release event大日子，我就晨咁早起身出左去灣仔華懋度玩佢個售前公開賽，由於好耐無打，加上Seal Deck同Draft形式我玩得好少，今次去到係志在拎獎品同影下相咁。

比賽當日的大門入口，門上的海報印有本系列的標誌，不過看不懂是甚麼。