直角觀景器 (很認真的認真狼~)

« 上一篇 |

認真狼 | 29th Mar 2008 | 攝影 | (648 Reads)

今日出左花紅，雖然唔係好多，但係都滿意啦。當然，有錢身痕就是現代的消費文化的體現，正因如此我的身體好痕……睇中左支Tonika 12-24好耐，無他，性價比高嘛，因為原廠果支只係DX鏡，但係價錢比小黑三同85mmF1.4仲貴，有錢都唔買佢啦…不過，是咁的，我好窮(玩野)，所以都係打消買鏡既念頭，但係，心理要平衡，最後就買左佢……

無錯，國產貨，呢件野想買好耐，因為每次影一d比較特別d既構圖，唔係訓就係抬高頭，上星期醫好左條頸，前日又整到，所以走去ssp買左呢個，(叮噹腔)「海鷗牌直角觀景器III型」，有左佢，以後影花影樹就唔使訓地抬頭，真係比一次醫藥費既價錢，慳番無數無多次既醫藥費，抵番哂啦。

好開箱文……其實幾百蚊貨仔咁寒酸，真係唔多想寫開箱文，不過係google打"直角觀景器 & 海鷗"呢個keyword，搵左幾版結果都唔見有講III型，而且耐無寫blog，求奇寫幾句啦。

首先，呢隻鷗係萬用既，你係觀音派既又得、泥坑門都得、笨仔幫都無問題、奧林派又可以、連獨步機林既徠卡教一樣無問題，係，因為隨盒有六包野，除左觀音派有兩包之外，其餘就每個門派有一包，每包有一個膠扣，俾你用黎套落去你部機個觀景器度，令佢可以好安全……又穩陣咁接上直角觀景器。此外，仲有個袋同個甩毛既泵送埋，個泵甩左d毛係我支鏡度，激死！睇下圖啦︰

接左上機之後係咁︰

都有幾多空位，如果個直角觀景器轉向下，你仲可以放隻手掌入去。呢隻III型，係x1到x3，應該將睇係既野放大一倍到三倍，當你由x1撥去x3或者相反時，你係要轉個觀景器，令佢焦點清晰，咁你先睇得清楚被攝物，但係x3果陣係比較朦，x1就好清晰，正!

售價方便，ssp最有型果間，380大洋。

當我比錢果陣，我見到一樣我幾年前想買又一直無買，於是買鬼埋佢︰

呢幾個鐵圈，55大洋，係令到你對焦距離變近既道具，無錯，近攝環，同樣都係國產貨，一套5圈，分別係接相機既mount，同埋接鏡頭尾的mount，另外果三個就係唔同距離既接環，用黎接上機身同鏡頭，接鏡頭部分要小心d，拎到有"的"一聲，好似上去機身咁就係上緊，試多幾次，否則七姑碌跌左支鏡就俾人笑死，要除番出黎就將佢粒嫘絲向下拉再拎支鏡就可以除番個圈出黎，機身接環都係一樣。好求其試左幾張，睇到影出黎唔係咁好，係，因為會無哂AF同景深好淺，咁岩我係用支50mm f1.8黎試，真係對焦對到眼都痛，最後求奇對焦打左佢就算，幾十蚊貨仔就唔好幾千樣要求，咪鬼學香港d死人老闆咁，尤其係中小企果堆，做個文員仔又要識講識寫仲要做埋保鑣，要求多多無好死…睇圖啦︰