話說今日係MTG 新set "Lorwyn" 既Pre-Release event大日子，我就晨咁早起身出左去灣仔華懋度玩佢個售前公開賽，由於好耐無打，加上Seal Deck同Draft形式我玩得好少，今次去到係志在拎獎品同影下相咁。
比賽當日的大門入口，門上的海報印有本系列的標誌，不過看不懂是甚麼。
NO PHOTO NO TALK!其實今次參加Pre-Release 除左想開卡同玩下之外，最主要係想影下d Event相，因為覺得呢類相真係幾過引，不過可惜既係，影唔到比賽中既相，因為我每次打完既時候，大部分人都已經完成該局，而另外又因為沒有問準工作人員可否拍照，所以我都係偷偷摸摸咁影，搞到好似d痴漢影人裙底咁。另外影Event既經驗太小，好多相都唔要得，連同行既朋友都影到out哂focus，希望下次再有機會影時可以光明正大少少，我打得快少少咁，就可以影多d靚相。
咁各位睇左相先︰
Pre-Release閃卡
上午開始登記卡牌前，很高興，一次有這麼多牌放在前面。
上午賽事中場，很多人也打完了，我就四處拍照。
上午賽事中場之二。
神秘玩家C……
又是比賽中場，等一等…圖中的人士把不應該伸出來的東西也伸了出來…
繼續比賽中場……
卡牌的擺位
我打左上午同下午共兩場，因為同行的聯盟士兵們講，打一場一定蝕，計過條數又係，但我又唔想成日時間無哂，於是下午打完第一場等佢派左Pre-release閃卡就走人。上午真係輸足四場，好彩Lucky Draw度中左一包，加上網上報名多一盒拉尼卡既Starter Set，今次都算值回票價。上下午總共得到2盒Lorwyn Stater x2、Booster x8、拉尼卡Stater x 1以及Pre-release閃卡 x2。
本系列的海報。
上午完場後，大伙立即去樓下買飯盒，因為要趕下午場。
點算戰利品。
點算戰利品同時吃午餐
在會場門口堆滿了正在吃午餐便當的玩家。
上午我得到既牌，除左伏都唔知講咩好，又唔中新card type－ Planeswalker，最後就係砌副紅黑的Golbin+Elf。由於之前無睇過新Set的card list，只係知道呢Set又係玩種族同獸(即係我最唔喜歡既野)，發現多左d叫做Tribal(定係之前有？太耐無玩唔肯定)既spell，玩落個感覺又唔錯，希望跟住落黎既細Set唔好學Legions只係出獸……。而下午就好好多，開左隻黑色Planeswalker，外加一張黑水地，我覺得都唔錯，番到屋企開埋未開既兩包Booster，竟然中埋Dread，都幾滿意啦，後來朋友C說我知，下午的入場卷我也中了一包Booster，今天真係幸運的一天:D。
回家點算戰利品。
都係喜歡呢張。
抽獎及完成賽事的獎品，很幸運:D。
講下Planeswalker
Lorwyn新出既Card type－Planeswalker，五隻色各一隻總共五隻，五隻我都喜歡，尤其係紅同藍，畫風我甚為欣賞，下面係我自己對呢幾張卡既評價，有咩唔滿意唔好插我，因為我係一個為享受玩MTG過程既Casual Player。下面都圖文並荿，自己睇下啦︰
Liliana Vess(黑Planeswalker)
黑色係我最喜歡的其中一種色，呢位女Planeswalker就岩哂"何車"。根據背景介紹，佢外表雖然似20歲(？)，但實際年齡係比外表成熟好多……因為佢同神靈達成左暗黑交易，以高昂既代價換黎強大既死靈力量以及不老的青春（？）……真係罪過，原來係亞婆，講佢能力算啦，3BB出隻5忠誠，+1忠誠就可以Discard目標玩家手牌，真係幾著數，-2忠誠又可以"挑"牌上library頂，而-8就勁，將在所有墓中既生物放置進場而且由你控制，唔知呢張牌會唔會又帶起新既掘墳風，個人預估combo……黑god之後用佢掘上黎應該係最常用……其他未諗到，因為玩番無耐，唔太熟d卡。
Chandra Nalaar(紅Planeswalker)
呢隻女Planeswalker構圖真係好正，深得我心！俾人一種富有動力既感覺，而且雙手同頭部冒火，都幾有氣勢。能力我真係幾Buy，-8忠誠就可以燒對手同埋佢所有既獸10度，3RR就出到，個人認為都算係好物。
Jace Beleren(藍Planeswalker)
其實MTG其中一個吸引之處，就係佢主題係奇幻，所以卡牌畫風大都以奇幻為主，前幾年請d畫家，水準都係好參差，早期就更加唔好講，大部分都好似幼稚園小朋友畫咁，但近幾set就好左好多。講番呢張卡，我幾喜歡佢件斗篷遮住頭部，左手發出藍光，俾人神秘感之餘，仲有一種詭異既感覺，很好。能力直頭係強，+2忠誠大家都可以抽牌，1UU出，超讚。
Ajani Goldmane(白Planeswalker)
一向好少玩白色，但係都覺得佢能力好強，2WW出呢隻野，+1忠誠就可以+2度命，-1忠誠就令自己全部既獸有+1/+1既指示物，而且攻擊不須橫置，更離譜的是-6忠誠果個異能仲會放隻攻／防同自己生命一樣既白聖者入場，真係幾勁……不過我對唔剃鬚、唔剪髮人士無咩好感。
Garruk Wildspeaker(綠Planeswalker)
個人認為係賣相最差既一隻，直接講就係見到佢就唔開胃，但能力真係唔錯，+1忠誠就可以重置兩張地，2GG既施放費用就出到佢，可以接受，不過賣相真係…好有改進既空間XD
以下係部分PW既Screen capture:
火PW的圖，畫家畫得的很美(個人意見)。
大圖沒有時間cap，先看小的。
丐幫……八袋長老XD
總括黎講，Planeswalker呢種新card係幾強的，不過會唔會改變現有砌Deck生態真係唔敢下定論，不過對我呢類casual player，多d野玩都唔錯呀。
希望MWS快d有新Set出，咁我就可以砌下新Deck。
另外，今Set順便重整所有既種族類別，而且係唔同色之中，正色加入其他既種族，例如以前既Goblin，一向都係紅色，黑色都有，但係好少，不過今Set就係正正式式有一堆黑Golbin，Elf又係，之前係綠的，今次又好多黑Elf，仲有其他等等。睇下圖啦，以下係部分生物既圖︰
Treefolk
以前呢個種族真係無咩驚喜，今集都有d好野。
Kithkin
蟻多嬲死象。
Giants Sunrise Sovereign
巨人又係勁左好多的card
Flamekin
Elves
Golbin
以下是一些官方的Wallpaper:
