琴晚有幸跟Nic大人去左 Sina Music樂壇民意指數頒獎禮度，座位大約係舞台後的第5行，真係好幸運，由於先前收到消息係星期三，點知突然先知道係星期二，好在琴日拎左部機係身，否則真係走寶了。

頒獎禮係九龍灣展貿舉行，七點去到食埋晚飯，八點鐘到左拎飛，八點四左右就入場，等左一陣就開始。由於一向無特別喜歡咩明星，所以對班新秀就唔多認識，但其中都不乏有實力的歌手。至於出名果d，有楊千嬅、側田、古巨基、孫耀威、鄧麗欣、吳雨霏同埋新來都好似幾出名的江若琳(起碼我唔留意娛樂圈都識佢，真係幾靚:D)呢d，估唔到都有一定號召力。除左以上人物，有隊二人男子組合"農夫"都幾印象深刻，而且都幾搞笑，其中一位有d黃子華既feel添。

由於準備不足，加上我經驗唔夠，錯失好多望鏡頭的機會(楊千嬅望左好多次，可惜次次都只係影到佢轉頭>_<)，sd card唔夠位，要不停del相，番到屋企睇，仲有好多相炒左，小肥既相仲鬆得好勁，所以對不起了。睇相啦:

楊千嬅唔使講，無咩人唔識佢啦，睇得又唱得。佢琴晚表演時，突然係台上面跌底，不過好快起番身，之後同大家講︰"做人跌底左最緊要識起番身"，好野，果然經驗夠。

江若琳，靚女囉，我係咁膚淺架啦。

古巨基，對佢印象唔錯。






側田，又唱得又作得，掂。











一班新秀:




sorry..忘記叫咩名，唱得唔差的:



周柏豪

鄭融，唔錯。




好似係……謝安琪


呢個我識，鄧麗欣，有望我鏡頭，所以呢幾張相執左下…叫做執過咁啦……






孫耀威，佢個笑容好得。


仲有好多，自己對號入座︰
望左鏡頭，同你執下佢。




主持崔建邦、楊愛謹


農夫，正


大會送既閃燈指環


仲有其他既，去我個album
睇相按此
Nic大人的blog